Quetta-ah thihchilh bomb puak, mi 7 thi

0
825
views

Pakistan chhim thlanga Baluchistan province-a Quetta khawpuiah vawiin khan Taliban mi firfiak pakhatin thih chilh bomb hmangin police truck pakhat a bei a, mi 7 vel an thi a, mi dang 22 vel an hliam. Quetta khawpui police hotu, Abdur Razzaq Cheema-a sawi danin, he inbeihna thlengah hian police 5 leh kawnga kal, civil mi 2 an thi a, hliam zinga mi 22-te chu an na hle a ni. Baluchistan Home Minister, Sarfraz Bugti-a chuan he pawi khawihna thih chilh bomb hmanga inbeihna a ni tih a sawi a, truck-ah hian police officer eng emaw zat an chuang a, mi firfiak hian car pakhat hmangin police truck hi a su a, bomb hi a puak nghal a ni.