Kum 50 mi, Balakrishnayya hian coronavirus a kai nia inngaiin, a chhungte leh an khua, Srikalahasti-a chengte hnenah he natna hi a kai chhawn a hlauh vangin a intihlum nia sawi a ni.
Balakrishnayya hi Tirupati-a Ruia damdawi inah a lung natna vangin a inentir a, hritlang ang deuha a nawmsam loh vangin doctor ten hmaituamna hmang turin thurawn an lo pe a ni.
A fapa, Balamurali sawi danin doctor te thurawn chu ngai dik lovin coronavirus kaiah a inngai a, a bul hnaia kal pawh a phal lo va, coronavirus a kai lo tih an hrilh pawn a ngaithla duh lo a ni. Coronavirus kaite awmdan leh an taksaa a lanchhuah dan video a en a\angin a awmdan leh coronavirus kaite awmdan chu a inang niin a hria a, midangte a kaichhawn loh nan a pindanah inkalh khum reng \hin a ni.
Hetihlai hian tun thlengin Andra Pradesh chu coronavirus laka a la him tih thuneitute an tarlang a, India rama coronavirus kai hmasa ber pawh a hriselna dinhmun a \ha chho zel tih an sawi bawk.
