Andra Pradesh Kadappa District chhung Ontimitta dil pakhat-a ruang 5 lo lang chhuak chu thingrai tawlhru thinte nena inzawmna nei thinig kittute ruang a ni em tih Police ten an chhui chiang mek. Dil kama ip an chharah thing kihna hmanrua hreipui leh hmanraw dangte an chhar tih Police te chuan an sawi a, Police te chuan heng mite hi thenawm state Tamil Nadu lam mi nia an rin thu sawiin, thingrai tawlhru thinten Sechachalam ngawpuia thing kit tura an hruai chhuah an nih an rin thu an sawi. Heng thingkittute hi police an hlauh vanga dilah hian zuang lut an ni thei a, tun hnaiah State Police hnuaia Red Sanders Task Force ten beihpui an thlak nasa hle a ni. Ruang hmu hmasatute chuan mi panga te hian thawmhnaw an inbel tam lo a, an vaiin kum 35 atanga 40 vel hmelpu an ni.
Chanchin Thar Andhra Pradesh dil pakhata ruang 5 lo lang chhuak chhui chiang mek
