Chhanchhuah hna thawktute chuan mi 27 an chhan chhuak tawh a, chin hriat lova bo te chhanchhuah tuma beihpui thlak chhunzawm zel a ni. Chhiatna thlenna hmun hi Cachhuluru khua, Amravati a\anga km 200 vela hlaah a ni a, India Navy ten helicopter pahnih thawh chhuahpuiin tui chhung lut thiamte an thawh chhuahpui bawk a, National Disaster Response Force ten an pui bawk a ni.
Zin veivakte chuanna lawng hi Royal Vaishta tia vuah a ni a, lawngah hian life jacket te awm mahse, passenger te chu hak tir an ni lo a, lawng khalhtu chuan an chetsualna Cachhuluru bawr vela lui awm dan a hre chiang lo nia sawi a ni. Chief Minister YS Jaganmohan Reddy chuan thlawhna hmangin chetsualna hmun hi a tlawh nghal a, hliam tuar chhanchhuahte damdawiinah a kan nghal a. He chhiatna thlenga nunna chan chhungte chu cheng nuai 10 zel pek an nih tur thu a sawi. Lawnga chuang zin veivak mi zinga a tam ber chu Telangana mi an ni a, 22 te chu Hyderabad a\anga kal leh 14 chu Warangal a\anga kal an ni.
