UK in October ni 31 hmaa European Union chhuahsan a tum chu tih khawtlai a ni tawh dawn lo tih chu UP Prime Minister Boris Johnson-a’n European Commission President Jean-Claude Juncker nen an inkawmna-a a thu ken tur a ni.

Chaw chhun kil pahnin hruaitu pahnihte hi an inkawm dawn a, hei hi Boris Johnson-a’n Prime Minister office a luah hnua hmaichhana an inkawm vawi khatna tur a ni. Foreign Secretary Dominic Raab chuan Prime Minister hian inremna puitling neih ngei a duh thu a thlen dawn tih a sawi a, inremna a awm emaw, awm lo emaw, thu tlukna siam tum a ni ang a ti.

EU-a Brexit chungchanga inbiakna kaihruaitu Michel Barnier pawh Luxembourg-a inkawmnaah hian a tel dawn a, Boris Johnson-a hi Brexit Secretary Steve Barclay leh David Frost ten an \awiawm ang.