Andra Pradesh Guntur hmuna hmeichhe naupang pawngsualtua puh pa pakhat kum 60 mi chu tukin khan thingzar pakhatah inawkhlum-a hmuh a ni

Andra Pradesh Guntur hmuna hmeichhe naupang pawngsualtua puh pa pakhat kum 60 mi chu tukin khan thingzar pakhatah inawkhlum-a hmuh a ni. Pawngsual thleng avang hian mipui ten lungawi lohna lantirin lirthei tlan vel te pawh an dang a. Pawngsualtua puh Subbaiah hian a inawhhlum hma hian a chhungte phone hmanga biain intihhlum a tum thu hi a hrilh lawk nia sawi a ni a, a inawhhlumna hi a chenna in a\anga km 15 vela hlaah a ni. Hmeichhe naupang kum 9 mi pawngsual vang hian Gunturah mipuiten lungawi lohna an lantir a, mipui thinrim hian pawngsualtu chu khaihlum emaw, mipui hmuh laia kahhlum emaw an phut tih an au chhuahpui a ni. Subbaiah hi rickshaw khalha eizawng a ni a, Chocolates hmanga hmeichhe naupang hi thlemin a in-ah a hruai a, a pawngsual hnuah a thlah leh a, a thil tih chu tuma hnena sawi chhuak lo turin a vaubet zui a ni. Hmeichhe naupang nu hian a fanu thisen chhuak a hmuhin damdawiin ah a hruai a, pawngsual a tawk tih hriat chhuah a ni a, damdawiin ah hian enkawl mek a la ni.