Karnataka Politics-a boruak nei lian tak, BJP sorkara Cabinet Minister te pawh lo ni tawh, eiruk thubuai avanga Jail-a khung, tuna Bail-a chhuak mek Gali Janardhana Reddy chu tun thla ni 12 inthlanpui atana a campaign Supreme Court in a khap

Karnataka Politics-a boruak nei lian tak, BJP sorkara Cabinet Minister te pawh lo ni tawh, eiruk thubuai avanga Jail-a khung, tuna Bail-a chhuak mek Gali Janardhana Reddy chu tun thla ni 12 inthlanpui atana a campaign Supreme Court in a khap. Janardhana reddy hi eiruk thubuaiah man a ni a, 2015-a Bail-a chhuah tir anih hnuah a thil tih theihna bial Ballari ah ni 10 chhung campaign phalsak turin Court ah a dil a, court hian a dilna hi a hnawl a ni. Janardhana Reddy hian BJP ticket-a ding a unaupa Somasekhara Reddy Campaign pui a tum a ni. Janardhana Reddy hian Ballari bial hnaih, km 45 velah office hawngin helai hmun atang hian campaign hi a vilpui reng tho a, BJP President Amid Shah chuan BJP nen inzawmna a nei tawh lo tih a sawi a, BJP in Chief Minister tura a zawrh BS Yeddyurappa pawhin Janardhana Reddy hian BJP chu a pui ve satliah mai niin a lo sawi tawh bawk a ni.