Angela Merkel-i Germany inthlanpuiah chet tha dawn

0
522
views

German Chancellor, Angela Merkel-i chu Pathianni-a inthlanpui lo awm turah a tling leh ngei dawnin a lang a, a zawnin vawi li, German Chancellor a ni thei dawna hriat a ni. Mipui ngaihdan laknaah kum 2005 a\anga thuneihna chang tawh, kum 62 mi, Pi Merkel-i hi an ram hruaitu a ni leh dawn nia tarlan a ni a, sorkar siamtu tur pawl erawh chu an inthlak mai thei a, Pi Merkel-i kaihhruai \angrual pawl, Christian Democratic Union leh Christian Social Union telna pawl chu Parliament-a \angrual pawl hlawm lian ber an ni ang a, an tel lo chuan sorkar a siam theih dawn loh avangin, sorkar siam thei tur langsar ber an ni dawn nia tarlan a ni. Pi Merkel-i te pawl hian vote zaa 37 vel an hmuh rin a ni a, an khingpui, Martin Schulz-a kaihhruai, Social Democratic Party chuan zaa 20 vel an hmuh rin a ni. Pu Schulz-a hian Pi Merkel-i hi a tluk lo sa hrim hrim a, chawlhkar thum kal taa TV-a an inhmachhawn hnuah phei chuan, a dinhmun hi a hniam lehzuala ngaih a ni. Martin Schulz-a hi January thla thleng khan European Parliament President a ni a, tunah tak hi chuan Pi Merkel-i hi engti zawng mahin a khing thla pha dawn lo nia ngaih a ni.