Bangladesh PM-in Myanmar sorkar chu Rohingya Muslim 4,20,000 chuang la kir turin phut

0
461
views

Bangladesh PM, Sheikh Hasina-i’n Myanmar sorkar chu Rohingya Muslim 4,20,000 chuang la kir turin a ph<t a, UN General Assembly hmanga New York-a a kalna hmuna Bangladesh mite hmaah he thu hi sawiin, chawlhkar thum kal ta chhunga Rohingya Muslim tam takin Myanmar an chhuahsan avangin, ram dangte pawhin Myanmar hi a mite la kir tura an nawr \ul a tih thu a sawi. Pi Hasina-i chuan, an ngenna chu Myanmar sorkarin a bengkhawn \ha duh lo hle nia sawiin, Rohingya Muslim-te hi an kir leh loh nan Myanmar sipaiten chil puah bomb-te an kam hial niin a sawi a, hemi hma hian Myanmar hotu, Aung San Suu Kyi chuan, an ram mi dik takte chu endika lak kir an hnial loh thu a sawi a, puan tawh angin, Myanmar hian Rohingya mite hi Bangladesh ram a\anga dan lova Myanmar rama l<tah ngaiin, kum tam tak awm tawhte pawh khua leh tuiah a pawm duh lo a ni. UN Assembly neih paha Muslim ram hruaitute \hutkhawmnaah Bangladesh PM chuan, Myanmar sorkar hian Rohingya mite hi Bengali tia koh an nih theih nan \an a la nasa hle niin a sawi a, Myanmar hian a khua leh tuiah a pawm ngei tur nia sawiin, mi nuai 4 chuangin Bangladesh an pan tawh avangin, Muslim ramte \anpuina a ngen bawk. Heng raltlante awmna hmun hi a tlawh tawh thu sawiin Hasina chuan, nunaute dinhmun chu a chhe hle tih a sawi.