Arun Shourie chuan PM atana Narendra Modi a lo thlawp kha a inchhir thu a sawi

BJP hruaitute zinga mi, Union Minister pawh lo ni tawh, Arun Shourie chuan PM atana Narendra Modi a lo thlawp kha a inchhir thu a sawi. Arun Shourie hian Pu Modi bakah, PM hlui, VP Singh a thlawp pawh kha a lo inchhir tawh thu a sawi a, ram hruaitute tehna \ha ber chu tuna an thil sawi ni loin, tun hmaa an thil sawi-ah te a ni zawk nia sawiin, an thusawi an bawhzui dan te, an mizia te leh thudik an \an danah te a ni tih a sawi a, sorkar laipuiin kum tin hna thar vbc. 2 siam a lo intiam tawh thu leh Thawhlehni lawk khan chanchinbu hrang hrangah sorkar laipui hian hna thar vbc. 5 leh nuai 50 a siam tawh nia a insawi chu zahthlak a tih thu leh, kumin January leh April thla inkar khan hna nuai 15 lai tihtawp a ni zawk niin a sawi. Hemi chungchanga sorkar laipuiin thudik a thup a nih chuan thil dangah pawh thuruk eng emaw zat hriat belh tur a awm a rin thu pawh Pu Arun Shourie chuan a sawi a ni.