Honeypreet Insan-i’n Panchkula DSS branch hruaitu, Chamkur Singh-a hnenah cheng vbc. 1 leh nuai 25 a pe, buaina chawk chhuak tur rawih nan an hmang a nih an ring

0
290
views

Pawngsual thubuai vanga lung ina tang mek, Haryana-a sakhaw pawl pakhat, Dera Sacha Sauda hruaitu, Gurmeet Ram Rahim Singh-a fanu leh a tha chhang dawltu, Honeypreet Insan-i chuan Panchkula khawpuia DSS branch hruaitu, Chamkur Singh-a hnenah cheng vbc. 1 leh nuai 25 a pe niin police-ten an sawi a, he sum hi CBI court-in Ram Rahim-a thiam loh a chantir ruala Panchkula-a buaina chawk chhuak tur rawih nan an hmang a nih an ring a, hemi chungchang hi police-ten Ram Rahim-a puibawmtu leh a driver ni bawk, Rakesh Kumar-a thu an zawh fiahna a\anga an hriat a ni. Rakesh Kumar-a hi thla hmasa ni 27 khan man a ni a, police hotu, Assistant Commissioner of Police, Mukesh Mahotra-a kaihhruai, Special Investigation Team-in an hreng mek a, Panchkula-a buaina chhuakah khan Ram Rahim-a ngaisangtu, mi 30 chuang an thi a ni. Panchkula police hotu, AS Chawla-a chuan Honeypreet-i hian Chamkaur-a hnenah pawisa hi a pe ngei tih an nemnghet tawh niin a sawi a, mahse thubuai hi chhui mek a nih avangin thu kimchang a la sawi theih loh niin a sawi. Puan tawh angin, lung in a\anga Ram Rahim-a hruai chhuah tumah leh sorkar laka hel tura mipuite fuihpawrha puh, Honeypreet-i hi hun eng emaw chen a tawm bo hnuah Thawhlehni khan man a ni a, thu zawh fiah a nih b^kah police-in an hreng mek a ni.