Arunachal Pradesh Larsap atan BD Mishra lak luh a ni

0
327
views

Brigadier BD Mishra-a pawh nimin khan Gauhati High Court Chief Justice Ajit Singh-a’n rinawna thu tiamtirin Arunachal Pradesh Larsap atan a la l<t a, Larsap thar lak luhna inkhawmah hian Deputy CM, Chowna Mein, Union Minister of State for Home, Kiren Rijiju, Assembly Speaker TN Thongdok, Chief Secretary Shakuntala Gamlin leh sorkar mi pawimawh dangte an tel a ni. Puan tawh angin, Pu Mishra-a hi NSG (Black Cat Commando) Counter Hijack Task Force hotu hlui a ni a, kum 1993 April ni 23-a Indian Airlines khualzin phur thlawhna, mi firfiakten an hruai kawi, Amritsar \umhmuna chhanchhuaktu kha a ni a, khami \um khan khualzin leh thlawhnaa thawk, mi 124 chu an him vek a, thlawhna hruai kawitute erawh chu kah hlum vek an ni. Pu Mishra-a hian Allahabad Universty a\angin MA, Madras University a\angin M.Sc leh Jiwaji University a\angin Ph.D a zir chhuak a ni.

Meghalaya Larsap thar atana ruat, Bihar Legislative Council member hlui, Ganga Prasad-a pawh naktukah Shillong-a Raj Bhavan-ah lak luh a ni dawn tih sorkar hotuten an sawi a, Meghalaya High Court Chief Justice, Dinesh Maheshwari-a’n rinawmna thu a tiamtir dawn a ni. Puan tawh angin, Pu Prasad-a hi President Ram Nath Kovind-a’n thla hmasa ni 30 khan Meghalaya Larsap atan a ruat a, amah hi sumdawnga eizawng a ni a, kum 1967 khan Bharatiya Jana Sangh party a zawm a, BJP lamah pawh dinhmun pawimawh tak tak a chelh a ni.