JDU hruaitu, Arun Kushwaha chu thuam chhawm chungchangah a monu thatah puh a ni

0
350
views

Bihar Muzaffarnagar district-a Janata Dal-United hruaitu, Arun Kushwaha chu thuam chhawm chungchangah a monu thatah puh a ni a, thubuai siamsak a ni. Police-te chuan an monu, Reena Devi thihna-ah hian Kushwaha bakah, a nupui leh an fapa pawh inhnamhnawiha hriat an nih thu leh, an pathum hian thubuai siamsak vek an nih thu an sawi a, Reena pa hian Kushwaha te chhungkua hi tangkafai eng emaw zat bakah tlereuh leh thilpek tam tak an pek tawh hnuah, motor an phut leh niin police te chuan an sawi a, motor a pek theih loh thu a sawi avangin a fanu hi an sawisa \hin niin a pa hian a sawi bawk a ni. Kushwaha erawh chuan heng puhna te hi thu dik lo nia sawiin, Reena hi thla ruk vel a damloh tawh thu leh, Durga Puja laia chaw a nghei avanga thi niin a sawi thung a ni. Bihar hi India rama thuam chhawm chungchanga buaina thlen tamna ber pakhat a ni a, nikum khan hetiang buaina avanga thihna 987 chhinchhiah a nih bakah tharum thawhna 4,852 chhinchhiah a ni bawk.