Mi tam tak, zirlaite tiamin kawtthlerah an pungkhawm a, United Nations \hutkhawm neih tur pualin, ram hrang hrangte chu sik leh sa inthlak danglam chak lutuk ven kawnga mumal zawk leh chak zawka hmala tur te, environment chhe zel ven kawnga hmala turte in an phut a ni. Pacific thliarkar a\anga New Zealand, Australia leh Thailand thlengin lungawi lohna hi lantir a ni a, an sorkar \heuh te chu sik leh sa chungchanga hma la turin an phut a ni.
Australiaah chuan a huaihawttute chuan mi nuai 3 vel an che chhuak niin an sawi a, khaw hrang hrang 110 ah mipuite an pungkhawm a ni.
Khawvel ram hrang hrang sorkar te nawrna hi ram 150 velah kalpui tura ruahman a ni a, a tawp kharna chu UN Headquarters New York ah neih a ni ang.
UN Climate Action Summit neih turah hian khawvel ram hrang hrang hruaitute chuan sik leh sa inthlak danglam chho zel veng tura \anlak dan tur an sawiho dawn a ni.
