US emaw Saudi Arabia in emaw Iran a bei anih chuan indona a thleng nghal ang tih Iran in a sawi.

0
461
views

Saudi Arabia-a tuialhthei sawngbawlna hmun beih a nih avanga boruak sang chho zelah Iran Foreign Minister Mohammad Javad Zarif chuan indona chuan nunna tam tak a suat dawn avangin an duh lo tih a sawi a, chutihrualin an ram chin venghim tur chuan inngaihtuah nawn lovin an che ve nghal ang tih a sawi.

America in emaw, Saudi Arabia in emaw ralthuam hmanga a bei anih chuan indona a thleng nghal dawn tihna a ni tih Iran Foreign Minister hian a sawi bawk.

Saudi Arabia chuan an ram chhunga tuialhthei sawngbawlna hmun beitu chu Iran a ni ngei tih rinhlelhna tur a awm lo tih a lo sawi tawh a, ralthuam hman te chu Iran siam ngei a ni a ti.

Iran Foreign Minister Zarif hian Iran puhna te chu thudik lo a ni a ti ve thung.