Assam-a lawng chesualah mi 10 thi

0
397
views

Assam-a Goalpara district-a Sabon luiah nimin tlai khan lawng pali a chesual a, mi 10 an tla hlum a, Additional DC, Nur Hussain-a sawi danin, Joriabeel-a thlipui leh ruahpui thawk avangin Goalpara district-a mi 50 vel chuanna lawng pali hi a let a ni. Nizan khan ruang pakua lak chhuah a ni a, vawiin khan pakhat lak chhuah a ni bawk. Tualchhung mite chuan, mi dang eng emaw zat, chin hriat lohin an la awm niin an sawi a, chhanchhuaktu pawlte chuan lawng chetsualna hmunah hian mi bote hi an la zawng zel a, dist. thuneituten, mitthi chhungte hi zangnadawmna pek an nih tur thu an sawi. Nimin khan Guwahati leh a chhehvelah thlipui leh ruahpui nasa takin a thawk a, Beharbari vengah mi pakhat chu thing kungin a delh hlum a, mi dang pakhat a hliam bawk. Thlipui hian Hindu kutpui, Durga Puja lawmna atana pandal sakte leh thil dang engemaw zat a tihchhiat bakah, hmun \henkhatah phei chuan electric ban pawh a tlu nual nia sawi a ni.