Manipur-a inbeihna thlengah hmeichhe pakhat leh United Tribal Liberation Army hel pawl member pahnih thi

Manipur-a Tamenglong district-a inbeihna thlengah hmeichhe pakhat leh United Tribal Liberation Army hel pawl member pahnih an thi. He inbeihna hi nizan zanlai dar 12:10 vela thleng nia sawi a ni a, UTLA (Paokai) hel hovin Tamenglong district-a Muktokhal-a awm, sorkarin inremna a siampui tawh, UTLA/UTLF Peace Penal Camp-ah beihpui an thlak a, hmeichhe pakhat kum 25 mi leh UTLA/UTLF member pahnih – kum 22 mi leh kum 21 mi chu a hmunah an thi nghal a, he thil thlen hnu, zing dar 5 vel khan SDPO, RK Charles-a kaihhruai, Jiribam police-te chuan ruang pathum hi endik turin an la nghal a ni. UTLA/UTLF General Secretary, Robert Singson-a chuan July thla khan UTLA/UTLF camp-a sorkar phalnaa an kawl \hat, ralthuam awm zawng zawng chu Jiribam police-ten an chhuhsak niin a sawi a, hemi chungchang hi sorkarah pawh an thlen tawh nia sawiin, sorkar a\angin chhanna an la dawng lo niin a sawi a, UTLA/UTLF member ten invenna an neih loh avangin hetiang thil hi a thleng ta niin a sawi bawk.