Assam Health Minister-in cancer natna chu misualte chunga rorelna niin sawi

0
331
views

Assam Health minister, Himanta Biswa Sarma chuan cancer natna chu chung lamin misualte chunga ro a relna niin a sawi a, Congress hruaitu, Kapil Sibal-a chuan, hetiang thu sawi mai mai Minister a ni ve mai hi chung lam tihsual niin a sawi nghal a ni. Nizanah khan Congress hruaitu, P Chidambaram-a pawhin, tun hmaa Congress mi, tuna BJP mi, Assam Health minister, Himanta Biswa Sarma hian hetiang thu hi a sawi chuan, awmna party sawn chingte sawi awm tâwk niin a sawi a, nizan a\anga tukin thleng khan he thu hian Twitter-ah sawi a hlawh hle a, kum 48 mi, Assam minister hian Thawhlehni kal taa zirtirtute hmaa a thusawi avang hian sawisel a hlawh hle a, ani erawh chuan a thusawi hi an ngai kawi mai nia sawiin, Hindu sakhaw zirtirnaah karmic law a awm a, mihring dinhmun hi an pian hmasaka an khawsak dan nen a inzawma ngaih a ni a, hei hi Hindu zawng zawngin an pawm nia sawiin, cancer natna veite hi misual niin a sawi lo hrim hrim niin a sawi a, zirtirtute a fuihnaah, hna an thawh \hat loh chuan an pian nawn leh hunah an dinhmun a \hat loh tur thu a sawi uarna chu a dik lo zawnga theh darh a ni ta niin a sawi. Thawhlehni khan Himanta Biswa Sarma hian zirtirtute hmaah thu a sawi a, amah hi dan lam thiam leh Ph D a ni a, Pathianin misualte a hrem \hin a, naupang te te, cancer vei leh tawhsual tawkte an awm hian an chunga pathian rorel a ni ang tih a ngaihtuah theih niin a sawi a ni.