Hafiz Saeed-a chhuah zalen

0
363
views

Kum 2008 November ni 26-a Mumbai-a mi firfiakte pawi khawihna rapthlak taka mawhphurtu nia sawi, Hafiz Saeed-a chu Pakistani court-in chhuah zalenna tur thup>k a siam a, vawiina chhuah tura tih a ni. Hafiz Saeed-a hi Pakistan sorkarin pawn chhuak thei lovin thla 10 a hreng tawh a, amah hi Jamaat-ud-Dawa pawl hruaitu a ni a, Lashkar-e-Taiba nena inzawm an ni. Hetia chhuah a nih chuan India ramah pawi a khawih leh hlauhthawnna a lian hle a, America sorkar pawhin Pakistan court thuchhuak hi \ha lo a tih thu a sawi. Kum 2008-a Mumbai-a pawi khawihnaah khan mi 166 an thi a, khami \umah khan Hafiz Saeed-a ruahman angin mi firfiak 10-in Pakistan rama Karachi a\angin lawngin Mumbai an pan a, hotel pahnih, rel station leh hmun dangte an bei a, hemi avang hian United Nations leh US pawhin Hafiz Saeed-a hi khawvel pum huapa mi firfiak hnawksak takah an puang a, America phei chuan a lu manah dollar mtd. 10 a dah a ni.

Kumin January ni 31 khan Saeed-a leh a hote 4 chu Pakistan rama Punjab sorkarin dan ding lai tlawh chhanin a hreng a, thubuai erawh chu an siamsak mumal lo nia hriat a ni a, tunah hian sorkarin thla thum dang hren zui leh a dil a, court erawh chuan chhuah turin a ti ta zawk a ni. Lahore High Court chuan, Punjab sorkar chu Saeed-a hren zui zel a nih chhan tur, finfiahna pe turin a hrilh a, sorkar hian a pe thei lo niin Saeed-a ukil, AK Dogar chuan a sawi. Pakistan Foreign Minister, Khawaja Asif pawhin Hafiz Saeed-a hi ram tana mi hnawksak leh phurrit niin New York-a Asia Society forum hmaah a lo sawi tawh a, Hafiz-a lungawi lo chuan Minister hi cheng vbc. 10 chawi theihna, inpuh hmingchhiatna thubuai siamsakah a vau a ni.