Assam National Register of Citizens, NRC draft list tarchhuahin titi a titam zual zel a, West Bengal CM Mamata Banerjee-in tualchhung buaina chawk chhuaktu a ni dawn tia a sawi vangin BJP hruaitu, Amit Shah-a’n na takin a khak.

0
402
views

Thawhlehni khan Mamata hian NRC draft list -a telh ve loh-te chu ei leh in leh chenna nei lo leh zirna pawh dawng thei lo-ah an chang thuai dawn niin a sawi a, BJP thiltih dan chu khua leh tui \henhranna nia sawiin tualchhung buaina leh insuatna a thlen thei a ni a ti. Amit Shah chuan Mamata chu mi ti chiai zawnga cheah a puh let a, vote zawnna atana hun remchang lak tumah puhin, a thusawi duh dan chuan \ul lovah mi a ti chiaiin thin a ti \hawng a ni a ti.

Puan tawh angin NRC draft list tarchhuah takah hian mi nuai 40 vel hming tel ve lo an awm a, state sorkar, sorkar laipui leh Supreme Court-te chuan NRC hi peih fel famkim a la nih loh thu leh a tawpna a la nih loh thu an sawi tawh a, tuna hming la chuang ve lo te tan tun thla ni 30 a\ang khian khua leh tui an nihna finfiahna hun hawn a nih tur thu leh NRC behchhan hian tu chungah mah rorel nghal anih loh tur thu te an lo sawi tawh a ni.

NRC draft list-ah hian chhungkaw khat ni si, a \hen chauh hming chuang te pawh a awm a, hming chuang lo zingah hian President hlui Fakhruddin Ali Ahmed-a unaupa fa leh BJP leh Congress MLA hlui-te pawh an tel a ni.