Assam NRC draft list vangin Parliament Fur Thutkhawm tihtawp leh a ni.

Parliament inkhawm hi a zawnin ni thum rorel loa tihtawp a ni ta a, Rajya Sabha inkhawmah BJP hruaitu Amit Shah-a’n Assam NRC chu Rajiv Gandhi-a ngaihtuah chhuah, Congress kaihhruai sorkar-in a tihpuitlin theih loh a nih thu a sawi a, member te an inhnial buai nasat avangin Chairman Venkaiah Naidu chuan chawhnu lama chhunzawm leh turin inkhawm a ti tawp a, inkhawm \an leh a nih hnuah pawh Trinamool Congress MP-te’n a dawhkan an pan khawm leh avangin inkhawm hi a titawp leh a, Naidu chuan eptu lam MP-te’n Chairman dawhkan kila an lungawiloh thu an au pui chiam \hin chu \ha lo a tih thu a sawi. BJP MP Rupa Ganguly chuan Trinamool Congress MP leh West Bengal CM Mamata Banerjee-te’n Assama insuatna a thleng dawn nia an sawi chu anmahni state chhung ngeiah a thleng mek niin a sawi a, West Bengal-ah hian dan lova ramri kan mi eng emaw zat an awm niin a sawi a, BJP worker te thah an ni fo chu insuatna a nih zawk thu te a sawi bawk.