Australia-a senator Sarah Hanson-Young i’n politician dang pakhat chu amah ti hmingchhiaah puhin a khing.

0
514
views

Kum 36 mi Young-i hian Senator ve tho David Leyonhjelm chuan ama mimal nun kaihhnawih Parliament ah leh Australia chanchinbumite hmaah sawiin a ti hmingchhia tih a sawi a, kum 66 mi Leyonhjelm chuan amah khinna hi na taka a beihlet tur thu a sawi ve nghal a ni. Liberal Democrat Senator Leyonhjelm hian June thla khan hmeichhiate laka pawikhawihna khuah khirh dan tur sawiho a nih laiin Hanson-Young-i hi mipa te um kawi chiam chiam lo tura a duh thu a sawi a, Hanson-Young-i hian a lungawi loh thu sawi chhuak nghal mahse, TV lamah a sawi nawn leh a, Leyonhjelm-a chet dan hian sawi sel a hlawh nasa hle a ni.