Australia-a zirlai Israel hmechhia Aiia Maasarwe thah thubuaiah kum 20 mi mipa pakhat man a ni.

0
403
views

Melbourne-a Aiia Maasarwe-i thah a nih hnu, ni 2 chhungin tualthattu-a puh hi man chhuah a ni a, Victoria Police te chuan tualthattu man chhuak thei tura mipui te puihnaah lawmthu an sawi a, he tualthahna hi thil rapthlak tak a ni tih sawiin, thleng tawh lo se an duhthu an sawi.

Kum 21 mi Aiia Maasarwe-i hi Nilaini khan a haw kawngah phone-a a unaunu nen an inbiak laiin thah a ni. Maasarwe hriatreng nan Victoria State Parliament hmaah kawr dum hain vui liamna hun hman tum a ni a, Maasarwe thih hma chiah a, a chuanna rel chu, a pangpar ngainat ber rose par sena chei tum a ni bawk a, heng thil huaihawttu te zing ami Jessamy Gleeson chuan he thil thleng avang hian an thinrim takzet tih sawiin, hmeichhe laka tharum thawhna thleng \hin chu tawp se a duh thu a sawi. Australia PM Scott Morrison-a pawhin he thil thleng hi rapthlak a tih thu leh mitthi chhung leh \hiante chu a tawrhpui takzet tih a sawi.