Graham Morant kum 68 mi hi mahni intihlum tura a nupui fuihpawrh thubuaiah thla hlui khan thiam loh chantir a ni a, a nupui Jennifer Morant hi kum 2014 khan amah a inti hlum a, a pasal Graham Morant hian a nupui life insurance Australian Dollar maktaduai 1 leh nuai 4 chu it-in a nupui hi intihlum turin a fuihpawrh tih Queensland Supreme Court roreltu Justice Peter Davis chuan vawiin khan a puang a ni.
Morant-i hi natna benvawn chikhat nei, rilru hahna depression leh anxiety nei a ni a, chutihrualin, thihna tham khawp natna erawh a nei lo thung. Hetianga midang mahni intihlum tura fuihpawrhtu thiam loh chantir hi khawvel huap pawhin an la awm meuh lo a ni.
