Pathianni-a chesual he bus hi lei a\anga tlan liamin Yangtze lui-ah a tla lut a, mi 13 an thih bakah midang pahnih chu chin hriat lovin an la bo a, a tirah chuan anmahni tawk zawnga lirthei lo tlan hel a tumna lamah bus hi a tlan liam nia sawi a ni a, amaherawhchu Bus chhunga vuah, security Camera thlalak a\anga a lan danin, passenger zinga hmeichhe pakhatin bus khalhtu hi kut a thlak a, bus khalhtu hian bei let ve in, hetianga an intihbuai vang hian bus chu thunun zo lovin lei a\angin a tla ta a ni. Police te sawi danin bus driver kutthlaktu hmeichhe pakhat hi kum 48 mi, Liu tia koh a ni a, a chhuk duhna hmunah a chhuk hman loh vanga thinrimin bus driver hi a bei ta mai a ni.
