Australia nula kum 22 mi, fiamthu thiam chu in lam pana a haw laiin mi tu tih hriat lovin pawngsualin a that zui

0
409
views

Australia nula kum 22 mi, fiamthu thiam chu in lam pana a haw laiin mi tu tih hriat lovin pawngsualin a that zui a, mipui thinrim a sosang hle. Kum 22 mi Eurydice Dixon-i ruang hi Melbourne-a football field pakhat ah Nilaini tuk khan chhar a ni a, a ruang chhar anih hma lawk hian khawpui chhung bar pakhatah hun a hmang a ni. Kum 19 mi pakhat chu Police ten an man nghal a, social media lamah te Dixon-i lainattuten an thinrim thu an auchhuahpui nasa a, hmeichhe laka pawikhawiha chetna hluar zel nia sawi chuan Australia ram boruak a fan hneh hle. Kum 2012 khan Irish mi Jill Meagher chu Melbourne daiah thah a lo ni tawh a, khami \um khan mi sing 3 laiin lungawi lohna lantirin kawng an lo zawh tawh a ni. Police te sawi danin Dixon-i hian a chenna in a thleng \ep tihin tualthattu hian a bei a, a pawngsual hnuah a that zui a, tualthattu Todd tia koh hi Police te kutah a inpe a ni. Australia Human rights commission chuan an rama hmeichhia te laka pawikhawihna thleng tam lutuk chu buaipui ngai a nih thu a sawi.