Fakselna 16th June, 2018

0
417
views

Zana lirthei, a bikin silencer ri ring deuh deuh, kawtthler khawk rum rum khawpa tlan chingte hi an ninawm hle mai. Kan Traffic Police-te hian Original ni lo silencer vuah hrim hrim leh ri bengchheng siam hi strict taka khap a van \ha em. Damlo leh nunau tan pawh a \ha lo.
9366094834
————-

Zonet chhungkua zawng zawngte chibai vek u le. Khawngaih takin Zonet Zawlbukah khan nikuma K-pop contest kha dar 10-ah inrawn pe thei ang em?
Lisa
————-

Tun MLA inthlang tura hian MNF leh Congress kan enchhin vek tawh, sawi tam a ngai tawh lo. Party atchilh bansanin ram hmasawn nan ZPM hi enchhin ve ang u.
Thantluanga leh a \hiante, Aizawl
————-

Fakselnaa VL Ruata inti khan ‘MNF hian zu hi an haw der mai mai a ni’ kha i rawn ti a, engnge i thusawi hian kawh a tum a, engnge a awmzia ni ta ang le? Zu hi a in mi leh in lo mi, damdawia hmang Congress leh MNF-ah pawh an awm ang, zu hian min huat awm pawh kan hre lova, a pawnga puia kan huat ngawt nachhan tur a awm pawh kan hre bawk hek lo. Kan huat berna zawk chu kan Kristianna nen pawh thil inhmeh lo tak, mihring nun titawitu leh chhungkaw buaina thlen theitu a nih avang hian sorkar meuh zawrh atan chuan keini MNF party chuan \ha kan ti lova, kan do tlat mai zawk a ni e.
Tlabung Uitangrual
————-

TLANGVALA inti khan Lalnun\awma leh Lalhruaitluanga te kha i va lam chang khawlh khawlh ve. An nihna kha i er deuh em ni? I \awngkam kha i chhep nalh fahran lo em mai. Hmusit ve khanglang suh. Fakselnaa thu thawn i duh ve chuan thu \ha, mi hmuhsitna lam ni lo thawn tawh rawh.
Marami Chawngthu
————-

Sorkar \ha leh dik taka rorelnaah chuan Burma te pawh an ramah an haw ta hum hum mai zawng a nih hi maw. Kan ram a\ang hian rorelna dik leh felte hi zawng nei ve ni ila, ram danga kan Mizo \halaite inhlawha awm te pawh hian kan ram chhung ngeiah eizawnna nghet an nei anga, chutiang tur chuan ZPM hi kan en chhina, kan vote hlu tak hmanga sorkar thar siam hi a hun ta, mipui te i harh ang u.
RODY PA
————-

Tunhnaia khaw pakhat YMA-in an khuaah tuna awm bak Kohhran din phal lohna thu tichhuaka sawi awm kha thudik a nih chuan a serious hle lo maw?
Fimkhura
————-

Kan sorkar hrawn mek te hian kan sorkar hnathawkte nge keini kuthnathawktute hi min dah sana, min ngaihpawimawh zawk ang aw? Keini kuthnathawktute hi sorkar lakah engnge kan hlawkna ve tur awm ang aw? 7th pay sorkar hnathawk ten an lak chuan keini sorkar hnathawk ve lo zawng zawngte, a bik takin ni tina inhlawhfa mekten kan tuar leh ngei dawnin a lang. Dawr thil a rawn to kim leh \hum \hum ngei anga, mi rethei leh hausa rate a awm hran chuang si lo emaw a ni ngei anga, tlema neinung deuh te chuan an lungte hman hmiah hmiah mai dawn a. Keini ve chu kan kar khat thawh hlawh hi ti hian kan han sem sawm leh a, kan kar khat thawhchhuah a\angin Pathian ram, dawr ba leh chhung budget nen a ral vek \hina, khawl a awm thei ngang lova, kan sorkar hian kuthnathawktute min duhsak a ngai tak meuh a ni. Hetiang a nih loh chuan kan la nawrh ve hun pawh a la thleng ngei ta ve ang.
KUT HNATHAWKTU PAWL, Mizoram
————-

YMA DAY PUAL SULHNU NGAIHNAWM – ZORAM KALSIAM hi a va \ha em. Pu Lalnun\awma hian a rawn sawi thiamin a ngaihnawm a, mi a fuihthar takzet. Kan YMA ve hma thil, a uaithla lam kan nih hnuah kan han ngaithla leh ta chauh mai, ka ui hnuhnawh hle mai. Hranghlui pasal\ha Taitesena ruhro kha khatiang taka urhsun leh zah khan an lo lai a ni tih hriat leh an kaihthawh lehna \awngkam kha a va mawiin min va hneh em.
9436195589
————-

Mi zawng zawng chhawr thei tur entirnan – KAWNG \ha leh tlo tura siam te, Hospital changtlung leh changkang te, electric leh tui \ha te kan mamawh hi mawle.
9862153088
————-