Australia PM-in Minister leh an hnuaia thawkte mipat hmeichhiatna kawnga inzawmna neih khap dawn

0
413
views

Australia Prime Minister Malcolm Turnbull chuan Dy Prime Minister leh a hnuaia hnathawktu hlui an inngaizawng tih sawichhuah a nih hnuah a minister te leh an hnuaia thawktuten mipat hmeichhiat kawnga inzawmna an neih a khap dawn tih a sawi. Chanchinbumite a kawmnaah Dy Prime Minister Barnaby Joyce chet dan chu a dem thu a sawi a, Joyce hian Minister tih awm loh tak thil a ti em tih endik a nih dawn avangin Thawhtanni atang khian chawlh lak tir nghal a ni dawn tih a sawi a, Amah Turnbull leh Joyce te hian dan dinglai engmah bawhchhiat a awm loh thu erawh an sawi ve ve a, heti chung hian Prime Minister hian Minister te zingah Minister chet dan tur ni awm lo taka che an awm chuan an lakah khauh taka hmalak a ni ang a ti a, Minister te chu zahawm takin an khawsa tur a ni a, an hnuaia hnathawkte nen mipat hmeichhiatna lam hawia inzawmna an nei tur a ni lo a ti. Australia Deputy Prime Minister Barnaby Joyce leh a staff hlui media adviser Vikki Campion te inngaihzawn thu hi mipui hmaa puanzar a nih hnuah Australia Politics boruak chu he hmingchhiatna hian a luah hneh hle a, eptu party te chuan Joyce hi bang turin an phut a ni.