September thla a\ang tawhin Australia-ah hian ram hi a kang \an tawh a, Australia chhim chhak lama awm Victoria hian kangmei nasa zawk a la tuar thei dawna rin a ni a, tun dinhmunah Victoria state ah hian ram hectare maktaduai 1 leh nuai 2 chuang a kang chhe tawh a, mi pathumin nunna an chan tawh a, ram pum huap chuan mi 27 in an thih phah tawh a ni.
South Australia leh New South Wales ah te pawh kangmei hi mihring tan leh chenna in tana hlauhawm thei dinhmunah a la ding chhunzawm zel a ni.
Victoria state ah hian thuneitute chuan far hmun leh khawchhak lama chengte chu an chenna tlansan rih turin thu an rawn a, khaw lum zawng hi celsius degree 41 vel kai chho tura ngaih a ni a, thli leh \ek te thawk tel tura hmuhlawk a ni bawk a, hei hian hmun \henkhatah kangmei a ti chhuak thar leh thei tih thuneitute chuan an sawi.
