Iran-in Iraq-a US sipaite awmna hmun missle hmanga a beih hnuah television kaltlanga thu sawiin Trump-a hian Iran beihnaah hian US sipai emaw, Iraq mi emaw thi an awm lo tih a sawi a, US in sipai leh ralthuam chak tak nei mahse, hman a ni dawn tihna a ni kher lo a, sipai leh sum leh paia America chakna chu a hlauhawmna ber a ni a ti. Trump-a hian US chu remna duhtute nena thawk ho turin a inpeih reng tih a sawi bawk.
Tun thla ni 3-a Iran sipai general Qasem Soleimani-a Iraq khawpui Baghdad-a US Presidnet Trump-a thupeka thah a nih hnuah Iran leh US te inkar boruak hi a \ang chho hle a, Iran chuan na taka phuba lak a nih tur thu a lo sawi tawh a, US President Donald Trump-a pawhin Iran-in a bei a nih chuan na taka chhanlet a nih tur thu a lo sawi tawh bawk.
