September thla a\anga ram kang \anah hian mi 25 in nunna an chan tawh a, Zirtawpni khian khua a lum hle hle dawn nia hmuh lawk a nih avangin kang\helhtute an inbuatsaih nasa hle a ni. New South Wales thuneitute chuan kangmei chhuak hian chenna in 1588 a kanral tawh bakah in 653 a ti chhia tih an sawi a, \henawm state Victoria ah pawh chenna in 200 a kan chhiat bakah state dangah chenna in 100 vel a kang chhe tawh bawk a ni.
Insurance Council of Australia chuan kangmei tih chhiat vanga insurance bill tlingkhawm tur chu Australian Dollar maktaduai 700 vel a tlin an rin thu an sawi.
Sydney bakah khawpui dang Canberra leh Melbourne te chu meikhu chhah takin a khuh avangin doctor te chuan naupai lai leh hriselna chak tawk lo te fimkhur turin an chah a ni.
New South Wales leh Victoria ah te ruahsurin kangmei chhuak ti mit nual mahse, thuneitute chuan alh chhuak leh phut thei a la ni tih an sawi a, state pahniha kangmei chhuakte hi a infin chuan chhiatna nasa leh zual a thlen a hlauhthawnawm hle a ni.
