Balochistan-ah bomb puak, mi 15 thi

0
462
views

Pakistan rama Balochistan province-a Quetta khawpuiah Inrinni zan khan bomb a puak a, mi 15 vel an thi. He Province Home Minister, Sarfraz Bugti-a chuan bomb puak hian kawnga sipai veivak a per fuh nia sawiin, pawi khawihtute’n bomb hmang hian sipaite hi beih an tum a nih a rin thu a sawi a, hriat theih chinah mi 15 vel an thi a, mi dang 40 vel an hliam niin a sawi a, thil thleng avang hian emergency puan nghal a ni tih a sawi bawk. Bomb a puah hnu lawk khan Islamic State mi firfiak pawl chuan an tih niin an chhal a, Quetta-ah hian an pawl member pakhat, bike-a chuangin thih chilh bomb hmangin sipai 17 a tihlum niin an sawi a ni.