Bangkok khawchhung boruak bawlhhlawh lutuk vangin mipuite hriselna-in a tuar nasa hle.
Thailand khawpui chhunga thil siamna hmunpui te’n boruak bawlhhlawh an pek chhuah tam vang te, motor tam lutuk vang te leh khaw pawna leilet neitutue’n ram an hal nasat vang tein boruak bawlhhlawh hi a nasa zual a, Department of Pollution Control chuan vaivut nawi hlauhawm tak chuan hmun 41-ah mihring tana him chin a pel tih an sawi.
He boruak bawlhhlawh hi mipui hriselna in a tuar nasa hle a, mi \henkhat chu an hnar te thiin, an mitah te thisen a tling a, thi-a khuh hial te pawh an awm a ni.
Thuneitute chuan Bangkok khawchhunga zirna in te chu tunkar chhung khar rih turin thupek an ti chhuak tawh a, diesel hmang lirthei motor khalh chhuah leh thil hal reng reng khap a ni bawk a, ruahtui a tlak theih nan chhumah bawlhlo te phulin, boruak chhia a kiam theihnan khawlaiah tui an phuh kuual bawk a, heti chung hian a la ziaawm thei chuang lo a ni.
