Military Intelligence leh Tripura Police ten a huhova beihpui an thlaknaah JMB mi leh sa, Abdul Malik, kum 35 mi chu Nilaini zan khan an man a, Aadhaar Card lem leh lehkha pawimawh dang lem a hnen a\ang hian an man tel bawk.
Abdul Malik hi Bangladesh-a firfiaka pawikhawihna hrang hrangah a lo inhnamhnawih tawh a, Tripura-a inbengbelin Tripura mi nupuiah a nei a, India khualehtui a nih theih nan document lem a hmang a, India ramah JMB hmalakna tihzauh a tum a ni.
Police ten thu an zawhfiahnaah Abdul Malik hian Bangladesh mi a nih thu a sawi a, document lem hmangin India-ah a khawsa a, dan phal lovin Bangladesh-ah a zin reng \hin tih sawiin India-a JMB member dangte nen pawh an inbepawp reng a, Bangaluru leh Chennai-ah JMB din an tum tih a sawi bawk.
Abdul Malik hi a nupui, Lipi Begum nen Ragna khuaa ramri hrulah in luahin an cheng a, nitin a inhlawhfa \hin a ni.
Bangladesh-a Sylhet-ah chuan Abdul Malik hi thubuai nei lai a ni a, Tripura Police ten an man hnuah National Investigative Agency-ah thawn a ni dawn a, hetihlai hian Tripura court chuan police te kutah ni 7 chhung awm tir a ti a ni.
