Bangladesh chhim lam, Rohingya refugee mi maktaduai chuang awmna camp-ah coronavirus kai hmuhchhuah a ni a. Hei hi hmuh chhuah hmasak ber a ni.

0
53
views

Rohingya refugee pakhat leh Rohingya camp chhehvela cheng mi 1 chu COVID-19 an vei tih hmuhchhuah a ni tih thuneituten an sawi a, he camp-ah hian mi maktaduai chuang tawt taka an chen avangin camp-a chengte dinhmun hi a derthawng hle a, UN leh WHO chuan an ngaihven hle a ni.

Refugee relief and repatriation commissioner, Mahbub Alam Talukder chuan hri veite hi an khung hrang nghal tih a sawi a, rang takin investigation team te chhui chiang nghal tura tirh an ni a, hri vei bul hnaia lo awm tawh te chu quarantine-a endik nghal an nih tih a sawi bawk.

Bangladesh-ah hian March ni 26 atangin inkharkhip kalpui mahse coronavirus hi a la darh chak hle a, mi 18,863-in an vei a, mi 283-in an thihpui tawh a ni.