Vaccine lam thiam bik Rick Bright-a’n United States-in coronavirus vaccine awm hun-ah a siamchhuah dan tur leh fel taka sem chhuah dan tur ruahmanna a tlachham a ni a ti.

0
101
views

Bright chuan US president Donald Trump-a rorelna chu hrileng laka lo inbuatsaih lawk tura thu a rawn hnu lawkah a hna atangin an ban tih a sawi. Bright hian US-in vaccine ruahmanna mumal an la nei lo chu a manganthlak thu leh ngaihtuah vat tul a tih thu a sawi a, an ram chuan vaccine maktaduai chuang dik leh fel taka semchhuah dan tur ruahmanna a mamawh a ni a ti. Antiviral drug COVID-19 damlote hman tur pawh semchhuah dan a mumal lo va, damdawi in tam takin an dawn tlem avangin harsatna an tawk tih a sawi bawk.

White house chuan vaccine rang taka siamchhuah leh semchhuah dan tur enkawl turin “Operation Warp Speed” a din a ni.

Bright chuan respiratory mask siamchhuah a tumna chuan ngaihsak a hlawh loh atang khan an rama damdawi lama thawktute chuan harsatna nasa tak an tawk dawn tih a lo hre lawk tawh tih a sawi a, an ram thuneituten hma an lak that tawk loh avangin, an ram chu dinhmun chhe takah a awm phah a ni a ti bawk.