Bangladesh-in ramri pela che-ah Myanmar puh

0
929
views

Bangladesh-in a ram chung boruaka thlawhna tir lut \hinah Myanmar a puh a, an ram zah lo zawnga a chet zel chuan nghawng \ha lo tak a nei dawn tih a sawi. Bangladesh thuneitute chuan, September ni 10 leh ni 14 inkar chhung khan Myanmar hian a ram chung boruakah helicopter leh ral a\anga thunun theih thlawhna te chi vawi 3 a tir niin an sawi a, he thil hi an ngaih thutak thu leh, an ram zahawmna palzut tawh lo tura Myanmar chu an duh thu an sawi. Myanmar sorkar erawh chuan Bangladesh-in he thil thleng nia a sawi hi an hriat ve loh thu leh, an chhui chian tur thu an sawi a, sorkar thupuangtu, Zaw Htay chuan Rohingya muslim-te chungchanga harsatna tawk mek an nih avangin, Bangladesh nen hian inbiak an mamawh thu a sawi bawk.

Puan tawh angin, thla hmasa ni 25 hnua Bangladesh-a Rohingya Muslim raltlan hi mi 4,00,000 an tling tawh nia hriat a ni a, Cox Bazar-a Rohingya refugee camp awm sa bulah, ram hectare 800-a zauah camp thar 14,000 sak tum a ni a, Bangladesh Disaster Management Secretary, Shah Kamal chuan UN a\anga \anpuina an dawn hmangin refugee camp hi ni 10 chhunga sak zawh an tum thu leh bâwkte pakhatah chhungkaw paruk zel cheng thei tura an ruahman thu a sawi.