CIA-in Afghanistan-ah drone hmanga beihpui thlak dil

0
611
views

US-a Intelligence pawl lian, Central Intelligence Agency chuan Afghanistan rama ral a\anga thunun theih thlawhna, drone hmanga beihpui thlak phalna a dil a, hemi chungchangah hian Pentagon thuneitu \henkhat ngaihdan chu inang lo mah se, White House chuan a thlawp nia hriat a ni a, CIA dilna hi President Donald Trump-a’n a pawm chuan Afghanistan-a CIA-in hemi kawnga thuneihna a neih vawi khatna a ni dawn a, tunah hi chuan Pakistan-a Al Qaeda leh mi firfiak dangte chu a ruka beih phalna a nei a ni. US President hlui, Barack Obama-a hun lai kha chuan khawvel ram hrang hranga Muslim mi firfiakte beih chungchangah hian CIA hi a inrawlh mang lova, Obama kaihhruai sorkar khan sipaite beihpui thlak avanga civil mi thi tam lutuk tur ven nan khuahkhirhna hrang hrang a siam nia sawi a ni. Afghanistan bakah Somalia leh Libya rama mi firfiakte leh hel ho laka beihpui thlak chungchangah hian Pentagon chu a bul tumtu ber a ni rih a ni.