Bawng hralh khapna thupek remchanga hman tumte hrem turin Supreme Court-in ti

0
311
views

Talh atana bawng hralh khapna thupek, mahni kut zala lek tuma mi dang kut thlakna veng tur leh, na taka hrem turin Supreme Court-in district tinah Senior police officer ruat vek turin state sorkarte a hriattir a, nimin khan Chief Justice Dipak Misra, Justice Amitava Roy leh A.M. Khanwilkar-a awmna bench chuan he thupek hi siamin, state Chief Secretary te chu he thupek an bawhzui dan pawh court hi hriattir leh turin a hrilh a ni. Mahatma Gandhi-a tupa, Tushar Gandhi chuan hemi chungchang hi court sang berah hian a thlen a, talh atana bawng hralh khapna thupek, sorkarin a siam chu tuten emaw remchanga hmangin, an duh duh an dap a, bawng sa kawl leh ei-ah an puh a, kut an thlak fo tawh tih sawiin, hei hi a reh theih nana thupek chhuah turin court sang ber chu a ngen a ni. Tushar Gandhi bakah hian Congress hruaitu, Tehseen Poonawalla pawhin hetiang thu hi a thehlut bawk.