Bawng humhalh nia inchhal, mi dang kut thlak chingte kut tuarte chu an awmna state sorkarin zangna dawmna a pe zel tawh tur a ni- Supreme Court

0
421
views

Bawng humhalh nia insawia mahni-a thuneihna inpe chawp a, mi dang kut thlak chingte kut tuarte chu an awmna state sorkarin zangna dawmna a pe zel tawh tur a ni tih Supreme Court-in a sawi a, nimina thup>k a chhuahah Chief Justice, Dipak Misra leh Justice A M Khanwilkar leh D Y Chandrachud awmna bench chuan, tharum thawhna tuartute chu zangnadawmna p>k ngei tur an ni a, hemi atan hian state sorkarin tih dan phung a duang fel ang a, chumi ang chuan zangnadawmna a pe \hin tur a ni tih a sawi. He thu thehl<ttu, Tushar Gandhi-a ukil, Indira Jaising-i chuan, hetianga mi kut tuar, Faridabad-a Junaid-a pawhin zangnadawmna engmah a la dawng lo tih sawiin, a rang thei anga bawhzui tura Haryana sorkar hrilh turin court chu a ngen a, Haryana chauh ni lo, state dangah pawh bawng humhalh nia insawia mi dang kut thlak chingte kut tuarten zangnadawmna an la dawng lo niin a sawi. Court erawh chuan he thup>k a siam b^k hi chu, state mal emaw, thil bik engemaw um zui a tum loh thu a sawi a, Faridabad-a thil thleng chungchang hi a \ul chuan Haryana High Court-a thlen mai turin a ti a ni. Hetianga pawi khawihna hi state chhunga dan leh thup>k lek kawhna thil a nih avangin, ram pum huapa national policy siamna tur chi pawh a ni lem lo tih Supreme Court chuan a sawi a, state sorkarin a tih tur chu a ti mai tur nia sawiin, hemi chungchanga National Policy siam turin Supreme Court-in sorkar laipui chu thu a pe mai thei bik lo niin a sawi. Supreme Court chuan, bawng humhalhna kaihhnawiha pawi khawihna chungchanga thil awm dan report tura state hrang hrangte a hriattir tawhna chu Uttar Pradesh, Rajasthan, Gujarat, Jharkhand leh Karnataka chauhin an la chhang niin a sawi a, October ni 13 aia tlai lovah thehl<t vek turin state tin a hriattir thar leh bawk. September ni 6 khan court sang ber chuan, bawng humhalh nia insawia mahni-a thuneihna inpe chawp a, mi dang kut thlak chingte hi khuahkhirh tur leh, he thup>k an bawhzui dan pawh court hriattir leh turin state tin a lo hriattir tawh a, dist. tinah senior police officer kaihhruaina hnuaiah hei hi bawhzui tur a ni tih a sawi b^kah, lamlian pawh a him theih nan DGP-te chu a \ul dana \an la tura hrilh turin state Chief Secretary-te a hriattir bawk a ni.