Tamil Nadu Forest minister-in Jayalalithaa-i thihnaa mawhphurah VK Sasikala-i te chhungkua puh

Tamil Nadu Forest minister, Dindigul C. Sreenivasan chuan state CM hlui, Jayalalithaa-i thihnaa mawhphurtu dik tak chu VK Sasikala-i te chhungkua niin a sawi leh ta a, CM hlui thih chhan chungchangah hian amah chu thu dik lo sawi tura nawr luih niin a sawi bawk. Jayalalithaa-i damdawi ina a awm lai khan, a ngaihtuahawm loh nia mipuiin an ngaih theih nan, chaw te pawh a ei niin a lo sawi tawh tih sawiin, amah ang bawkin mi dangte pawhin thu dik lo an sawi niin a sawi a, party a hmingchhiat loh nan he thu hi an sawi niin a sawi. Sreenivasan-a chuan, khatih lai khan Pi Jayalalithaa-i kha Rahul Gandhi, Finance Minister Arun Jaitley, BJP President, Amit Shah leh Larsap, Vidyasagar Rao te pawhin tlawh an duh a, anni meuh pawh khan an tlawh thei lo a, Jayalalithaa-i awmna ah kaltir lovin, damdawi in neitu, Pratap Reddy-a pindanah \huttir zel an ni a, Sasikala kha lo chhuakin a rawn be thin a, an kir leh mai \hin niin a sawi. February thla khan AIADMK MP rual chuan Pu O Panneerselvam-a hovin President, Pranab Mukherjee hmuin, Pi Jayalalithaa-i thih dan hi mak an tih thu leh chhui chian an ph<t thu an thlen a ni.