Bihar-ah zu khap burna dan kum thum chuang hret hman a nih hnuah pawh a hlawhtling em tihah inhnialna a la tawp thei lo a, excise ten zu kaihhnawih thubuai, chinfel loha hun rei tak tak an dah a in chhek khawl nasa hle.

Patna High Court chuan state sorkar chu case pending tam lutuk chinfel a tum dan a zawt a, court chuan July ni 8 thleng khan hetianga ngaihtuah tura chhawp chhuah la ni lo, thubuai in chiah, pending case hi nuai 2 sing 7 chuang a tlingkhawm tih a sawi a, Judicial officer leh anmahni puitu tur staff tam zawk rawih belh an nih loh chuan heng thubuai tlingkhawm chinfel zung zung ngaihna a awm dawn lo a ni.

Affidavit hmanga sawifiahna a thehluhah Sorkar chuan zu khapna dan hnuaiah hian mi 67,000 man an nih thu leh zu litre nuai 52 man a nih tawh thu a tarlang a, hetihrual hian thubuai chinfel tawh zat chu 2629 chauh a ni thung.

Thubuai pending tam lutuk avanga court-a sorkar khin letna lut pung chho zelah Patna High Court hian state sorkar chu hmalak a tum dan sawifiah turin Chief Secretary kaltlangin a hriattir leh a ni.

Bihar sorkar, Chief Minister Nitish Kumar-a kaihhruai hian kum 2016 April ni 1 a\ang khan zu khapna dan a hmang \an a ni.