Muzaffarpur District-a naupang dahna hmun Home a thi thleng chungchangah hian sorkar chuan thudik hai chhuak turin hma a la tih Nitish Kumar chuan a sawi a, hemi hmalam hian Union Home Minister Rajnath Singh chuan he thil thleng chhui chiang tur hian Central Sorkar chu a inpeih tih a lo sawi tawh a ni. Bihar Assembly rorel inkhawmah eptu member te chuan sorkar na takin an sawisel a, Eptu hruaitu Tejaswi Prasad Yadav chuan Nitish Kumar chu Home Dept enkawltu anih anga bang turin a phut a, he thil chhui chiang tura ruat police te chu rorellai party hruaitu \henkhatin telephone hmanga biain an vau niin a sawi.
Doctor ten he home-a naupang an endikna ah naupang 42 zinga 29, kum 6 leh 18 inkar mi te chuan mipat hmeichhiatna kawnga khawih chingpen an tawk ngei tih an hmu chhuak tih Bihar DGP KS Dwivedi chuan a sawi a, hmeichhe naupang pakhat chu an vuakna avanga a thih hnuah Home bul huanah an phum nia sawi a awm avangin Police te chuan ruang hi zawngin huan hi an lai kual chiam bawk a, ruang erawh hmuh a la ni lo thung.
