Kum 1999 Kargil Indona-a Pakistan laka India in hnehna a chan hriat rengna ni, Kargil Vijay Diwas vawiin khan lawm a ni.

0
321
views

He ni hi India in hnehna a chan lawmna ni a nih bakah kha indona-a ram tana nunna chan te hriatrengna niah hman a ni bawk a, kum 1999 July ni 26 ah khan Pakistan ten an awp, tlang sang laia hmun pawimawh te chu India sipaiten an la let kim a, indona hian ni 60 chhung a awh a ni. Ni thum chhung awh tur hnehna lawmna hi Jammu and Kashmir Drass War Memorial Kargil ah buatsaih a ni a, indonaa nunna chan te thlanah mi pawimawhten zahna pangpar an dah a ni. Prime Minister Narendra Modi chuan sipai huaisente inpekna chu ropui a tih thu a sawi a, Operation Vijay hunlaia Atal Bihari Vajpayee hova India hmalakna ropui tak chu ramin a hrereng tawh dawn a ni a ti.