Bill Gates-a’n UP CM leh AP CM-te kawm

0
406
views

India rama cham mek, Microsoft Company dintu, Bill Gates chuan Uttar Pradesh CM, Yogi Adityanath a kawm hnuah Andhra Pradesh CM, Chandrababu Naidu a kawm leh a, Gates Foundation-in a \anpui theih dan turte a sawipui. Bill Gates hian UP-a lui tihthianghlim kawngah te, khawpui bawlhhlawh, awmze nei taka paih dan te, lei \hat dan zir chiante leh thlai chi \ha hman dan, lo neitute zirtir kawngah te \anpui an duh thu a sawi a, Adityanath pawhin Anganwadi tihchangtlun kawngah leh naupangte tana ei tur \ha zawk, sorkar hmanga pe turin Bill Gates hi a inhuam hle tih a sawi a, nau piang hlim leh nau nei hlimte enkawl kawnga sorkar puih pawh a phur hle tih a sawi bawk. Thluaka khawsik l<t natna um bo tuma state sorkar \an lak dan pawh an sawi dun niin a sawi. Andhra Pradesh CM, Chandrababu Naidu pawhin state sorkara department hrang hrangin lo neitute hmakhua atana hna an thawh dan tur entirna hrang hrang an pho lante chu Bill Gates nen hian an thlir dun tih a sawi a, thlai thar leh hriselna lama hetiang mi thil phal an awm chu lawmawm a tih thu a sawi bakah, ei leh in tur \ha bakah hriselna leh thianghlimna kawnga biakrawn chhunzawm zel an tum thu a sawi a ni.