I-T Deparment-in Poes Garden dap, Dinakaran lungawilo

0
346
views

Income Tax Department miten nimin tlai khan Tamil Nadu CM hlui, Pi Jayalalithaa-i in, Poes Garden-a Sasikala-i chenna pindan pahnih an dap a, computer pahnih leh pen-drive pali an man. Sasikala-i vahpa, TTV Dinakaran chuan Jayalalithaa in dap a nih avang hian state sorkar a sawisel nasa hle a, state CM, E Palaniswami leh Deputy CM, O Panneerselvam chu politics thila phuba lak tumah leh Jayalalithaa-i phatsanah a puh a, PM, Narendra Modi leh Union Finance Minister, Arun Jaitley pawh I-T Dept hmanga an chhungkaw tihchhiat tumah a puh bawk. Tun hnai lawka Pu Modi-a’n DMK hotu, K Karunanidhi a tlawh pawh nasa taka sawiselin, Jayalalithaa-i dam loh chhung zawnga vawi khat mah tlawh si lova Karunanidhi a tlawh chu an ngaih thiam loh thu a sawi bawk a ni. I-T Department mite hian Poes Garden a\ang hian thil eng eng emaw, a ruka thiar chhuah nia an hriat avanga dap an ni tih an sawi a, tun hnai lawka Sasikala chhungte leh thawhpuite an dap kal zel kha a ni a, puan tawh angin, ni nga chhunga Jaya TV leh Sasikala pasal leh unau leh thawhpui dangte chenna leh hnathawhna hmun 187 an dapna-ah cheng vbc 1,430 hu vel, lehkha pawimawh chi hrang hrang an man thu an lo sawi tawh a ni.