BJP-in an candidate turte hming puan belh

BJP-in Gujarat Assembly inthlan lo awm tura an candidate turte hming an puan belh a, state Assembly Speaker, Raman Vora leh Cabinet Minister hlui, Saurabh Patel te chu a langsar zual an ni. BJP hian an candidate turte hming an lo puang nual tawh a, an mi thlan chhuahte hi party mi zawng zawngin an pawm vek lem lo a, niminah pawh khan mi \henkhat chu an lungawi lohna lantirin Gujarat BJP pisapui-ah an pung khawm a ni. BJP candidate ni ta lo langsar zual zingah, an pawl mi hlun leh thupuangtu, IK Jadeja pawh a tel a ni. Congress pawhin nimin khan an candidate tur hming 77 an puang ve a, an party state hotu, Shaktisinh Gohil leh Arjun Modhwadia te pawh an tel a ni. Gujarat-ah hian BJP-in kum 22 chhung ro an rel tawh a, puan tawh angin Assembly inthlanah hian \um hnih vote thlak a ni ang a, December ni 9 leh ni 14-ah vote thlak a nih hnuah, December ni 18-ah vote chhiar a ni ang.