Congress hruaitu hlun Priya Ranjan Dasmunsi thi

Congress hruaitu hlun, Union Minister hlui, Priya Ranjan Dasmunsi chu vawiin khan Delhi-ah a thi a, kum 72 mi a ni. Dasmunsi hi kum 2008 a\ang khan nikhaw hre lovin a awm tawh a, thla hmasa a\ang khan a dinhmun a \ha lo zual a, vawiin chhun dar 12:10 khan a boral ta a, a nupui, Deepa Dasmunsi leh an fapa-in an dawm hlum a ni. PM, Narendra Modi, Congress President, Sonia Gandhi leh President hlui, Pranab Mukherjee-a chuan Pu Dasmunsi-a sunna thu an sawi a, uiawm an tih thu leh, a sulhnu pawimawh tak takte avanga ram tana a pawimawhna te an sawi a ni. Pu Dasmunsi-a hi thluaka thisen zam chat avangin kum 2008 a\ang khan a che thei lo a, a \awng thei lo bawk a, amah hi West Bengal-a Congress hruaitu langsar ber pakhat a ni \hin a, a damloh \an lai pawh hian Union Information and Broadcasting leh Parliamentary Affairs Minister a ni. A thisen zam chat avang hian a thluak hmun \henkhatah thisen a l<t thei lo a, siam \hat leh tihdam theih a ni tawh lo a, Germany pawh an panpui na a, hma a sawn tawh lo a ni. Kum 20 dawn lai, India rama football lama thuneitu sang ber, AIFF President ni tawh, Pu Dasmusi hi kum 2006 khan FIFA World Cup, Australia leh Croatia-in an khelhah match commissioner a ni a, India mite zinga hetiang inkhelhna sanga match commissioner hmasa ber a ni a, a damloh \an lai hian AIFF President a ni na a, a dinhmunin a zir t^k loh avangin Praful Patel-a’n a thlak ta a ni.