Kolkata-a ukil pakhat, Sumeet Chowdhury chuan Tharoor-a thusawi hian ram mipuite rilru a tihnat bakah, ram danpui a zah lo hle niin a sawi a, sakhaw betu hrang hrangte inkarah inngeihlohna thlen a tum niin Kolkata High Court-ah petition a thehlut a, August ni 14 hian inlan tura tih a ni. Puan tawh angin Tharoor hian kum 2019-a Lok Sabha inthlan lo awm turah hnehna a chan leh chuan Hindu ram an din dawn niin a sawi a, ram danpui siam danglam thei khawpa thuneihna an neih chuan Pakistan ram ang maiin ram kalphung a danglam dawn niin a lo sawi tawh a ni.
Chanchin Thar BJP-in India ram Hindu-Pakistan angah a chhuah mek nia a sawi chungchangah,...
