Rajya Sabha member thar pali-te hi BJP MP hlui, Ram Shakal, RSS hruaitu pakhat, Rakesh Sinha, lam thiam Sonal Mansigh leh lungker thiam Raghunath Mohapatra te an ni a, an vai hian Prime Miniter Narendra Modi-a’n a rawt-te an ni a, Ram Shakal hi Dalit mi, Uttar Pradesh a\anga \um thum lai Lok Sabha member pawh lo ni tawh a ni a, Rakesh Sinha hi RSS tana mi \angkai tak, India Policy Foundation dintute zing ami a ni a, Motilal Nehru College of the Delhi University-ah professor a nih bakah, Indian Council of Social Science Research-ah member a ni bawk a ni. Sonal Mansingh ve thung hi chu hnam lâm thiam a ni ve thung a, Bharatnatyam leh Odissi lâm te a thiam bakah lâm zirtirtu hriat hlawh ber te zing ami a ni bawk a, kum 1977 khan Centre for Indian Classical Dances a lo din tawh a, Raghunath Mohapatra hi chu lung ker lama mi thiam tak a ni ve thung a, Parliament Central Hall-a milim hriat hlawh tak, Sun God pawh khu ama kutchhuak a ni nghe nghe a ni.
Ram danpui Article 80(1)(a)-na chuan Rajya Sabha member 12, President-in a duhzawng ruat a phal sak a ni.
